Centro commerciale di vicoli
Ricordi ‘e nu’ criaturo
Ero piccirillo e all’epoca nun ce steveno ‘e centri commerciali, o’ tiemp nuje guagliuni o’ perdevemo giranne pe’ sti vicoli. O’ centro commerciale nuosto era ‘cca’, si, proprje ‘cca.
M’arricordo che ‘nsieme a Francesco,d’o’ vascio a fianco ‘e chillo d’ ‘a nonna mia, c’accattavemo o’gelato add’ ‘a signora e dimpetto, si sempre dint’ ‘a nu vascio. E po’? E pò chiù abbascio ce steva a’ signora d’è granite, e’ ghiaccioli, pure ‘e pizze fritte.
Ero piccirillo e all’epoca nun ce steveno ‘e centri commerciali, o’ tiemp nuje guagliuni o’ perdevemo giranne pe’ sti vicoli. O’ centro commerciale nuosto era ‘cca’, si, proprje ‘cca.
M’arricordo che ‘nsieme a Francesco,d’o’ vascio a fianco ‘e chillo d’ ‘a nonna mia, c’accattavemo o’gelato add’ ‘a signora e dimpetto, si sempre dint’ ‘a nu vascio. E po’? E pò chiù abbascio ce steva a’ signora d’è granite, e’ ghiaccioli, pure ‘e pizze fritte.
O’ tiemp ca’ me vedeva criaturo nun ce regalava sti schermi piccirilli addo’ puo’ guardà o’ munno da ‘na fenesta, se parlava faccia e faccia, se faceva ammore core e core. Forse, pero’, a’ luntananza, ca’ putive accurcià sulo cu’ nu’ gettone, se senteva assaje chiù forte.
Si putesse turnà arreto, vedenn chillu criature ca ero je ce dicesse: ” Curre chiù forte pè sti vicule, allucca fino a perdere ‘a voce, nun te perdere nemmanco ‘n’attimo e stu quartiere. fallo e nun ce pensà, fallo pecchè po’ o munno cagnarrà”.
O’ munno è cagnato ma ogni tanto è comme si turnasse
arreto. E’ n’attimo ‘e felicità pe’ nu criaturo ruosso.
di Fabio De Rienzo